My poem to rama on his birthday

நான்கு ஆண்டுகளாக
நான்காவது benchல்
நான்கு பேருடன் இணைந்து
நான்கு faculty
நான்கு விதமாக பேசும்படி நடக்கும்
நான்காம் தேதியில் பிறந்தவனே!

பணம் வலைப்பதிவு மூலம்
இப்போது உனை வந்தடையும் காலம்
passwordல் நீ செய்த ஜாலம்
venkatஐ இடச்செய்தது ஓலம்.

அஷ்டலட்சுமிகளை நீ தேட
தனலட்சுமியோ இப்போது உன் கூட
ஆனாலும் நீ வாட, அதை நீக்க
ஜெயலட்சுமி வருவாள் வெற்றிமாலை சூட!

நான்கு,ஐந்து, ஆறென பெருகியது நம் கூட்டம்
நான்கு ஆண்டுகளும் வெளி கல்லூரிகளிலே நம் நாட்டம்!
கல்லூரியில் வாங்கிக்கொண்டு ஓட்டம்
ஆனாலும் தீரவில்லை மனதில் ஒரு வாட்டம்!

அதை போக்க வந்ததொரு தருணம்
நம் வடதிசை உல்லாச பயணம்!
அந்த 10 நாட்களின் காலம்- அதில்
பலப்படுத்தப்பட்டது நம் நட்பின் பாலம்!

புதியதொரு கூட்டணி-அதனால்
பெரிதடைந்தது நம் அணி!
நம் அணியிலும் பெண்மணிகள்,
ஒவ்வொன்றும் நமக்கு கிடைத்த கண்மணிகள்!

செய்யுளாக எழுதிய நான்
உரைநடைக்கு மாறிக் கொள்கிறேன்.
உண்மைகளை உரைக்க
உதவியாக இருக்குமென்று!

ஊருடன் ஒத்து வாழ வேண்டுமாம்
ஊர் ஒத்துக் கொண்டதில்லை!
உண்மையை பாராட்டியதில்லை
உற்சாகப் படுத்தியதில்லை
உட்காயம் மட்டுமே ஏற்படுத்தியது!

புது இலைகள் முளைத்தால்
மரம் வேரை மறந்துவிடுமா?
மறந்துவிடும் என்கின்றனர்-நட்பு
மறத்துப்போன மக்கள்!

மற்றவர் பேசட்டும், ஏசட்டும்.
பேசுவோர்க்கும் ஏசுவோர்க்கும்
பேச்சடைக்கும் ஏட்டுச்சுவடியாய்
நம் நட்பு அமையட்டும்!

எனக்கு ஆரூடம் தெரியாது ,ஆனால் இருப்பது
இன்னும் ஒரு வருடமென தெரியும்.
கண்ணீரோடு பிரிவோம், கண்களில் நினைவு கொள்வோம்
இது போன்ற பேச்சுக்களை பொசுக்குவோம்!

இந்த வருடத்தின் ஒவ்வொரு வினாடியும்
கடவுள் நமக்களித்த வரப்பிரசாதம்!

கடைசி வருடத்தில்தான் சேர்ந்தோமென எண்ணாமல்
கடைசி வரை இணைந்தேயிருக்க எண்ணுவோம்!
கடற்கரையில் ஓயாத அலை போல- கைகளை
கட்டிப்பிடித்துக்கொண்டு ஓடுவோம்!

M.G.Rன் கல்லறையில் காது வைக்கிறார்கள்
அவர் கடிகாரம் இன்னமும் துடிக்கின்றதாம்!
எங்கள் கல்லறையில் காது வைத்துக்கேட்டால்
அனைத்து நண்பர்களின் பெயர்களும் எதிரொலிக்கும்!

எல்லோர்க்கும் கவிதை எழுதியது என் கைகள்
உன் கவிதையை எழுதியதோ என் மன்ம்
அதனால்தான் என்னவோ நிறைய எழுதிவிட்டேன்!
உனக்காக எழுத வேண்டிய கவிதையில்
அனைத்தையும் கூறிவிட்டேன்!
என்ன செய்வது?
உண்மையான நட்பைப்பற்றி
உன் பிறந்தநாளில் சொல்வது சரியென்று கூறிவிட்டேன்!
அளவுக்கு அதிகமாகயிருந்தால் மன்னித்துவிடு!
அகத்திற்கு அருகிலிருந்தால் எனை அணைத்துக்கொண்டுவிடு!

நண்பா நீ வாழ்க!
நம் அனைவரின் நட்பும் நீங்காமல் வாழ்க!